D’Austu ’em’à fistighjà u nosciu 4rtu annivarsariu in Lama temp’à ‘llu Festivali, è quist’annu, ci hà da essa un ivinimentu straurdinariu :
Napoléon vu par Abel Gance (1927) hà da essa pruittatu in a so’ versioni longa. Opara maestra, ‘ssu filmu nuvatori s’hè arradicatu in a storia di u Sinemà quant’una revoluzioni attempu tecnica è estetica.
A ricustruzzioni di ‘ssa « Grande Version », persa mentri quasgi un seculu, saria, in quant’à parechji spicialisti, a più imbiziosa di a Storia : un prughjettu scemu purtatu da a Cinémathèque française, chì s’hè arrimbata à nant’à una copia Corsa miraculosa di u filmu, ritrova da a Casa di Lume (Cinémathèque de Corse).
Una scumissa maiò ch’hà riprisintatu di più di 15 anni di travaddu …
Da scopra u 1mu d’austu in Lama !
|
